1 |
vaiœaṃpāyana uvāca |
1 |
tataḥ prayāntaṃ kaunteyaṃ brāhmaṇā vanavāsinaḥ
abhigamya tadā rājann idaṃ vacanam abruvan |
2 |
rājaṃs tīrthāni gantāsi puṇyāni bhrātṛbhiḥ saha
devarṣiṇā ca sahito lomaœena mahātmanā |
3 |
asmān api mahārāja netum arhasi pāṇḍava
asmābhir hi na œakyāni tvad ṛte tāni kaurava |
4 |
œvāpadair upasṛṣṭāni durgāṇi viṣamāṇi ca
agamyāni narair alpais tīrthāni manujeœvara |
5 |
bhavanto bhrātaraḥ œūrā dhanurdharavarāḥ sadā
bhavadbhiḥ pālitāḥ œūrair gacchema vayam apy uta |
6 |
bhavatprasādād dhi vayaṃ prāpnuyāma phalaṃ œubham
tīrthānāṃ pṛthivīpāla vratānāṃ ca viœāṃ pate |
7 |
tava vīryaparitrātāḥ œuddhās tīrthapariplutāḥ
bhavema dhūtapāpmānas tīrthasaṃdarœanān nṛpa |
8 |
bhavān api narendrasya kārtavīryasya bhārata
aṣṭakasya ca rājarṣer lomapādasya caiva ha |
9 |
bharatasya ca vīrasya sārvabhaumasya pārthiva
dhruvaṃ prāpsyasi duṣprāpāṃl lokāṃs tīrthapariplutaḥ |
10 |
prabhāsādīni tīrthāni mahendrādīṃœ ca parvatān
gaṅgādyāḥ saritaœ caiva plakṣādīṃœ ca vanaspatīn
tvayā saha mahīpāla draṣṭum icchāmahe vayam |
11 |
yadi te brāhmaṇeṣv asti kā cit prītir janādhipa
kuru kṣipraṃ vaco 'smākaṃ tataḥ œreyo 'bhipatsyase |
12 |
tīrthāni hi mahābāho tapovighnakaraiḥ sadā
anukīrṇāni rakṣobhis tebhyo nas trātum arhasi |
13 |
tīrthāny uktāni dhaumyena nāradena ca dhīmatā
yāny uvāca ca devarṣir lomaœaḥ sumahātapāḥ |
14 |
vidhivat tāni sarvāṇi paryaṭasva narādhipa
dhūtapāpmā sahāsmābhir lomaœena ca pālitaḥ |
15 |
sa tathā pūjyamānas tair harṣād aœrupariplutaḥ
bhīmasenādibhir vīrair bhrātṛbhiḥ parivāritaḥ
bāḍham ity abravīt sarvāṃs tān ṛṣīn pāṇḍavarṣabhaḥ |
16 |
lomaœaṃ samanujñāpya dhaumyaṃ caiva purohitam
tataḥ sa pāṇḍavaœreṣṭho bhrātṛbhiḥ sahito vaœī
draupadyā cānavadyāṅgyā gamanāya mano dadhe |
17 |
atha vyāso mahābhāgas tathā nāradaparvatau
kāmyake pāṇḍavaṃ draṣṭuṃ samājagmur manīṣiṇaḥ |
18 |
teṣāṃ yudhiṣṭhiro rājā pūjāṃ cakre yathāvidhi
satkṛtās te mahābhāgā yudhiṣṭhiram athābruvan |
19 |
yudhiṣṭhira yamau bhīma manasā kurutārjavam
manasā kṛtaœaucā vai œuddhās tīrthāni gacchata |
20 |
œarīraniyamaṃ hy āhur brāhmaṇā mānuṣaṃ vratam
manoviœuddhāṃ buddhiṃ ca daivam āhur vrataṃ dvijāḥ |
21 |
mano hy aduṣṭaṃ œūrāṇāṃ paryāptaṃ vai narādhipa
maitrīṃ buddhiṃ samāsthāya œuddhās tīrthāni gacchata |
22 |
te yūyaṃ mānasaiḥ œuddhāḥ œarīraniyamavrataiḥ
daivaṃ vrataṃ samāsthāya yathoktaṃ phalam āpsyatha |
23 |
te tatheti pratijñāya kṛṣṇayā saha pāṇḍavāḥ
kṛtasvastyayanāḥ sarve munibhir divyamānuṣaiḥ |
24 |
lomaœasyopasaṃgṛhya pādau dvaipāyanasya ca
nāradasya ca rājendra devarṣeḥ parvatasya ca |
25 |
dhaumyena sahitā vīrās tathānyair vanavāsibhiḥ
mārgaœīrṣyām atītāyāṃ puṣyeṇa prayayus tataḥ |
26 |
kaṭhināni samādāya cīrājinajaṭādharāḥ
abhedyaiḥ kavacair yuktās tīrthāny anvacaraṃs tadā |
27 |
indrasenādibhir bhṛtyai rathaiḥ paricaturdaœaiḥ
mahānasavyāpṛtaiœ ca tathānyaiḥ paricārakaiḥ |
28 |
sāyudhā baddhaniṣṭriṃœās tūṇavantaḥ samārgaṇāḥ
prāṅmukhāḥ prayayur vīrāḥ pāṇḍavā janamejaya |