1 |
vaiœaṃpāyana uvāca |
1 |
bhīmasenas tataḥ kṛṣṇam uvāca yadunandanam
buddhim āsthāya vipulāṃ jarāsaṃdhajighāṃsayā |
2 |
nāyaṃ pāpo mayā kṛṣṇa yuktaḥ syād anurodhitum
prāṇena yaduœārdūla baddhavaṅkṣaṇavāsasā |
3 |
evam uktas tataḥ kṛṣṇaḥ pratyuvāca vṛkodaram
tvarayan puruṣavyāghro jarāsaṃdhavadhepsayā |
4 |
yat te daivaṃ paraṃ sattvaṃ yac ca te mātariœvanaḥ
balaṃ bhīma jarāsaṃdhe darœayāœu tad adya naḥ |
5 |
evam uktas tadā bhīmo jarāsaṃdham ariṃdamaḥ
utkṣipya bhrāmayad rājan balavantaṃ mahābalaḥ |
6 |
bhrāmayitvā œataguṇaṃ bhujābhyāṃ bharatarṣabha
babhañja pṛṣṭhe saṃkṣipya niṣpiṣya vinanāda ca |
7 |
tasya niṣpiṣyamāṇasya pāṇḍavasya ca garjataḥ
abhavat tumulo nādaḥ sarvaprāṇibhayaṃkaraḥ |
8 |
vitresur māgadhāḥ sarve strīṇāṃ garbhāœ ca susruvuḥ
bhīmasenasya nādena jarāsaṃdhasya caiva ha |
9 |
kiṃ nu svid dhimavān bhinnaḥ kiṃ nu svid dīryate mahī
iti sma māgadhā jajñur bhīmasenasya nisvanāt |
10 |
tato rājakuladvāri prasuptam iva taṃ nṛpam
rātrau parāsum utsṛjya niœcakramur ariṃdamāḥ |
11 |
jarāsaṃdharathaṃ kṛṣṇo yojayitvā patākinam
āropya bhrātarau caiva mokṣayām āsa bāndhavān |
12 |
te vai ratnabhujaṃ kṛṣṇaṃ ratnārhaṃ pṛthivīœvarāḥ
rājānaœ cakrur āsādya mokṣitā mahato bhayāt |
13 |
akṣataḥ œastrasaṃpanno jitāriḥ saha rājabhiḥ
ratham āsthāya taṃ divyaṃ nirjagāma girivrajāt |
14 |
yaḥ sa sodaryavān nāma dviyodhaḥ kṛṣṇasārathiḥ
abhyāsaghātī saṃdṛœyo durjayaḥ sarvarājabhiḥ |
15 |
bhīmārjunābhyāṃ yodhābhyām āsthitaḥ kṛṣṇasārathiḥ
œuœubhe rathavaryo 'sau durjayaḥ sarvadhanvibhiḥ |
16 |
œakraviṣṇū hi saṃgrāme ceratus tārakāmaye
rathena tena taṃ kṛṣṇa upāruhya yayau tadā |
17 |
taptacāmīkarābheṇa kiṅkiṇījālamālinā
meghanirghoṣanādena jaitreṇāmitraghātinā |
18 |
yena œakro dānavānāṃ jaghāna navatīr nava
taṃ prāpya samahṛṣyanta rathaṃ te puruṣarṣabhāḥ |
19 |
tataḥ kṛṣṇaṃ mahābāhuṃ bhrātṛbhyāṃ sahitaṃ tadā
rathasthaṃ māgadhā dṛṣṭvā samapadyanta vismitāḥ |
20 |
hayair divyaiḥ samāyukto ratho vāyusamo jave
adhiṣṭhitaḥ sa œuœubhe kṛṣṇenātīva bhārata |
21 |
asaṅgī devavihitas tasmin rathavare dhvajaḥ
yojanād dadṛœe œrīmān indrāyudhasamaprabhaḥ |
22 |
cintayām āsa kṛṣṇo 'tha garutmantaṃ sa cābhyayāt
kṣaṇe tasmin sa tenāsīc caityayūpa ivocchritaḥ |
23 |
vyāditāsyair mahānādaiḥ saha bhūtair dhvajālayaiḥ
tasthau rathavare tasmin garutmān pannagāœanaḥ |
24 |
durnirīkṣyo hi bhūtānāṃ tejasābhyadhikaṃ babhau
āditya iva madhyāhne sahasrakiraṇāvṛtaḥ |
25 |
na sa sajjati vṛkṣeṣu œastraiœ cāpi na riṣyate
divyo dhvajavaro rājan dṛœyate devamānuṣaiḥ |
26 |
tam āsthāya rathaṃ divyaṃ parjanyasamanisvanam
niryayau puruṣavyāghraḥ pāṇḍavābhyāṃ sahācyutaḥ |
27 |
yaṃ lebhe vāsavād rājā vasus tasmād bṛhadrathaḥ
bṛhadrathāt krameṇaiva prāpto bārhadrathaṃ nṛpam |
28 |
sa niryayau mahābāhuḥ puṇḍarīkekṣaṇas tataḥ
girivrajād bahis tasthau same deœe mahāyaœāḥ |
29 |
tatrainaṃ nāgarāḥ sarve satkāreṇābhyayus tadā
brāhmaṇapramukhā rājan vidhidṛṣṭena karmaṇā |
30 |
bandhanād vipramuktāœ ca rājāno madhusūdanam
pūjayām āsur ūcuœ ca sāntvapūrvam idaṃ vacaḥ |
31 |
naitac citraṃ mahābāho tvayi devakinandana
bhīmārjunabalopete dharmasya paripālanam |
32 |
jarāsaṃdhahrade ghore duḥkhapaṅke nimajjatām
rājñāṃ samabhyuddharaṇaṃ yad idaṃ kṛtam adya te |
33 |
viṣṇo samavasannānāṃ giridurge sudāruṇe
diṣṭyā mokṣād yaœo dīptam āptaṃ te puruṣottama |
34 |
kiṃ kurmaḥ puruṣavyāghra bravīhi puruṣarṣabha
kṛtam ity eva taj jñeyaṃ nṛpair yady api duṣkaram |
35 |
tān uvāca hṛṣīkeœaḥ samāœvāsya mahāmanāḥ
yudhiṣṭhiro rājasūyaṃ kratum āhartum icchati |
36 |
tasya dharmapravṛttasya pārthivatvaṃ cikīrṣataḥ
sarvair bhavadbhir yajñārthe sāhāyyaṃ dīyatām iti |
37 |
tataḥ pratītamanasas te nṛpā bharatarṣabha
tathety evābruvan sarve pratijajñuœ ca tāṃ giram |
38 |
ratnabhājaṃ ca dāœārhaṃ cakrus te pṛthivīœvarāḥ
kṛcchrāj jagrāha govindas teṣāṃ tadanukampayā |
39 |
jarāsaṃdhātmajaœ caiva sahadevo mahārathaḥ
niryayau sajanāmātyaḥ puraskṛtya purohitam |
40 |
sa nīcaiḥ praœrito bhūtvā bahuratnapurogamaḥ
sahadevo nṛṇāṃ devaṃ vāsudevam upasthitaḥ |
41 |
bhayārtāya tatas tasmai kṛṣṇo dattvābhayaṃ tadā
abhyaṣiñcata tatraiva jarāsaṃdhātmajaṃ tadā |
42 |
gatvaikatvaṃ ca kṛṣṇena pārthābhyāṃ caiva satkṛtaḥ
viveœa rājā matimān punar bārhadrathaṃ puram |
43 |
kṛṣṇas tu saha pārthābhyāṃ œriyā paramayā jvalan
ratnāny ādāya bhūrīṇi prayayau puṣkarekṣaṇaḥ |
44 |
indraprastham upāgamya pāṇḍavābhyāṃ sahācyutaḥ
sametya dharmarājānaṃ prīyamāṇo 'bhyabhāṣata |
45 |
diṣṭyā bhīmena balavāñ jarāsaṃdho nipātitaḥ
rājāno mokṣitāœ ceme bandhanān nṛpasattama |
46 |
diṣṭyā kuœalinau cemau bhīmasenadhanaṃjayau
punaḥ svanagaraṃ prāptāv akṣatāv iti bhārata |
47 |
tato yudhiṣṭhiraḥ kṛṣṇaṃ pūjayitvā yathārhataḥ
bhīmasenārjunau caiva prahṛṣṭaḥ pariṣasvaje |
48 |
tataḥ kṣīṇe jarāsaṃdhe bhrātṛbhyāṃ vihitaṃ jayam
ajātaœatrur āsādya mumude bhrātṛbhiḥ saha |
49 |
yathāvayaḥ samāgamya rājabhis taiœ ca pāṇḍavaḥ
satkṛtya pūjayitvā ca visasarja narādhipān |
50 |
yudhiṣṭhirābhyanujñātās te nṛpā hṛṣṭamānasāḥ
jagmuḥ svadeœāṃs tvaritā yānair uccāvacais tataḥ |
51 |
evaṃ puruṣaœārdūlo mahābuddhir janārdanaḥ
pāṇḍavair ghātayām āsa jarāsaṃdham ariṃ tadā |
52 |
ghātayitvā jarāsaṃdhaṃ buddhipūrvam ariṃdamaḥ
dharmarājam anujñāpya pṛthāṃ kṛṣṇāṃ ca bhārata |
53 |
subhadrāṃ bhīmasenaṃ ca phalgunaṃ yamajau tathā
dhaumyam āmantrayitvā ca prayayau svāṃ purīṃ prati |
54 |
tenaiva rathamukhyena taruṇādityavarcasā
dharmarājavisṛṣṭena divyenānādayan diœaḥ |
55 |
tato yudhiṣṭhiramukhāḥ pāṇḍavā bharatarṣabha
pradakṣiṇam akurvanta kṛṣṇam akliṣṭakāriṇam |
56 |
tato gate bhagavati kṛṣṇe devakinandane
jayaṃ labdhvā suvipulaṃ rājñām abhayadās tadā |
57 |
saṃvardhitaujaso bhūyaḥ karmaṇā tena bhārata
draupadyāḥ pāṇḍavā rājan parāṃ prītim avardhayan |
58 |
tasmin kāle tu yad yuktaṃ dharmakāmārthasaṃhitam
tad rājā dharmataœ cakre rājyapālanakīrtimān |