1 |
vaiœaṃpāyana uvāca |
1 |
sa evaṃ œaṃtanur dhīmān devarājarṣisatkṛtaḥ
dharmātmā sarvalokeṣu satyavāg iti viœrutaḥ |
2 |
damo dānaṃ kṣamā buddhir hrīr dhṛtis teja uttamam
nityāny āsan mahāsattve œaṃtanau puruṣarṣabhe |
3 |
evaṃ sa guṇasaṃpanno dharmārthakuœalo nṛpaḥ
āsīd bharatavaṃœasya goptā sādhujanasya ca |
4 |
kambugrīvaḥ pṛthuvyaṃso mattavāraṇavikramaḥ
dharma eva paraḥ kāmād arthāc ceti vyavasthitaḥ |
5 |
etāny āsan mahāsattve œaṃtanau bharatarṣabha
na cāsya sadṛœaḥ kaœ cit kṣatriyo dharmato 'bhavat |
6 |
vartamānaṃ hi dharme sve sarvadharmavidāṃ varam
taṃ mahīpā mahīpālaṃ rājarājye 'bhyaṣecayan |
7 |
vītaœokabhayābādhāḥ sukhasvapnavibodhanāḥ
prati bhāratagoptāraṃ samapadyanta bhūmipāḥ |
8 |
œaṃtanupramukhair gupte loke nṛpatibhis tadā
niyamāt sarvavarṇānāṃ brahmottaram avartata |
9 |
brahma paryacarat kṣatraṃ viœaḥ kṣatram anuvratāḥ
brahmakṣatrānuraktāœ ca œūdrāḥ paryacaran viœaḥ |
10 |
sa hāstinapure ramye kurūṇāṃ puṭabhedane
vasan sāgaraparyantām anvaœād vai vasuṃdharām |
11 |
sa devarājasadṛœo dharmajñaḥ satyavāg ṛjuḥ
dānadharmatapoyogāc chriyā paramayā yutaḥ |
12 |
arāgadveṣasaṃyuktaḥ somavat priyadarœanaḥ
tejasā sūryasaṃkāœo vāyuvegasamo jave
antakapratimaḥ kope kṣamayā pṛthivīsamaḥ |
13 |
vadhaḥ paœuvarāhāṇāṃ tathaiva mṛgapakṣiṇām
œaṃtanau pṛthivīpāle nāvartata vṛthā nṛpa |
14 |
dharmabrahmottare rājye œaṃtanur vinayātmavān
samaṃ œaœāsa bhūtāni kāmarāgavivarjitaḥ |
15 |
devarṣipitṛyajñārtham ārabhyanta tadā kriyāḥ
na cādharmeṇa keṣāṃ cit prāṇinām abhavad vadhaḥ |
16 |
asukhānām anāthānāṃ tiryagyoniṣu vartatām
sa eva rājā bhūtānāṃ sarveṣām abhavat pitā |
17 |
tasmin kurupatiœreṣṭhe rājarājeœvare sati
œritā vāg abhavat satyaṃ dānadharmāœritaṃ manaḥ |
18 |
sa samāḥ ṣoḍaœāṣṭau ca catasro 'ṣṭau tathāparāḥ
ratim aprāpnuvan strīṣu babhūva vanagocaraḥ |
19 |
tathārūpas tathācāras tathāvṛttas tathāœrutaḥ
gāṅgeyas tasya putro 'bhūn nāmnā devavrato vasuḥ |
20 |
sarvāstreṣu sa niṣṇātaḥ pārthiveṣv itareṣu ca
mahābalo mahāsattvo mahāvīryo mahārathaḥ |
21 |
sa kadā cin mṛgaṃ viddhvā gaṅgām anusaran nadīm
bhāgīrathīm alpajalāṃ œaṃtanur dṛṣṭavān nṛpaḥ |
22 |
tāṃ dṛṣṭvā cintayām āsa œaṃtanuḥ puruṣarṣabhaḥ
syandate kiṃ nv iyaṃ nādya saricchreṣṭhā yathā purā |
23 |
tato nimittam anvicchan dadarœa sa mahāmanāḥ
kumāraṃ rūpasaṃpannaṃ bṛhantaṃ cārudarœanam |
24 |
divyam astraṃ vikurvāṇaṃ yathā devaṃ puraṃdaram
kṛtsnāṃ gaṅgāṃ samāvṛtya œarais tīkṣṇair avasthitam |
25 |
tāṃ œarair āvṛtāṃ dṛṣṭvā nadīṃ gaṅgāṃ tadantike
abhavad vismito rājā karma dṛṣṭvātimānuṣam |
26 |
jātamātraṃ purā dṛṣṭaṃ taṃ putraṃ œaṃtanus tadā
nopalebhe smṛtiṃ dhīmān abhijñātuṃ tam ātmajam |
27 |
sa tu taṃ pitaraṃ dṛṣṭvā mohayām āsa māyayā
saṃmohya tu tataḥ kṣipraṃ tatraivāntaradhīyata |
28 |
tad adbhutaṃ tadā dṛṣṭvā tatra rājā sa œaṃtanuḥ
œaṅkamānaḥ sutaṃ gaṅgām abravīd darœayeti ha |
29 |
darœayām āsa taṃ gaṅgā bibhratī rūpam uttamam
gṛhītvā dakṣiṇe pāṇau taṃ kumāram alaṃkṛtam |
30 |
alaṃkṛtām ābharaṇair arajombaradhāriṇīm
dṛṣṭapūrvām api satīṃ nābhyajānāt sa œaṃtanuḥ |
31 |
gaṅgovāca |
31 |
yaṃ putram aṣṭamaṃ rājaṃs tvaṃ purā mayy ajāyithāḥ
sa te 'yaṃ puruṣavyāghra nayasvainaṃ gṛhāntikam |
32 |
vedān adhijage sāṅgān vasiṣṭhād eva vīryavān
kṛtāstraḥ parameṣvāso devarājasamo yudhi |
33 |
surāṇāṃ saṃmato nityam asurāṇāṃ ca bhārata
uœanā veda yac chāstram ayaṃ tad veda sarvaœaḥ |
34 |
tathaivāṅgirasaḥ putraḥ surāsuranamaskṛtaḥ
yad veda œāstraṃ tac cāpi kṛtsnam asmin pratiṣṭhitam
tava putre mahābāhau sāṅgopāṅgaṃ mahātmani |
35 |
ṛṣiḥ parair anādhṛṣyo jāmadagnyaḥ pratāpavān
yad astraṃ veda rāmaœ ca tad apy asmin pratiṣṭhitam |
36 |
maheṣvāsam imaṃ rājan rājadharmārthakovidam
mayā dattaṃ nijaṃ putraṃ vīraṃ vīra gṛhān naya |
37 |
vaiœaṃpāyana uvāca |
37 |
tayaivaṃ samanujñātaḥ putram ādāya œaṃtanuḥ
bhrājamānaṃ yathādityam āyayau svapuraṃ prati |
38 |
pauravaḥ svapuraṃ gatvā puraṃdarapuropamam
sarvakāmasamṛddhārthaṃ mene ātmānam ātmanā
pauraveṣu tataḥ putraṃ yauvarājye 'bhyaṣecayat |
39 |
pauravāñ œaṃtanoḥ putraḥ pitaraṃ ca mahāyaœāḥ
rāṣṭraṃ ca rañjayām āsa vṛttena bharatarṣabha |
40 |
sa tathā saha putreṇa ramamāṇo mahīpatiḥ
vartayām āsa varṣāṇi catvāry amitavikramaḥ |
41 |
sa kadā cid vanaṃ yāto yamunām abhito nadīm
mahīpatir anirdeœyam ājighrad gandham uttamam |
42 |
tasya prabhavam anvicchan vicacāra samantataḥ
sa dadarœa tadā kanyāṃ dāœānāṃ devarūpiṇīm |
43 |
tām apṛcchat sa dṛṣṭvaiva kanyām asitalocanām
kasya tvam asi kā cāsi kiṃ ca bhīru cikīrṣasi |
44 |
sābravīd dāœakanyāsmi dharmārthaṃ vāhaye tarīm
pitur niyogād bhadraṃ te dāœarājño mahātmanaḥ |
45 |
rūpamādhuryagandhais tāṃ saṃyuktāṃ devarūpiṇīm
samīkṣya rājā dāœeyīṃ kāmayām āsa œaṃtanuḥ |
46 |
sa gatvā pitaraṃ tasyā varayām āsa tāṃ tadā
paryapṛcchat tatas tasyāḥ pitaraṃ cātmakāraṇāt |
47 |
sa ca taṃ pratyuvācedaṃ dāœarājo mahīpatim
jātamātraiva me deyā varāya varavarṇinī
hṛdi kāmas tu me kaœ cit taṃ nibodha janeœvara |
48 |
yadīmāṃ dharmapatnīṃ tvaṃ mattaḥ prārthayase 'nagha
satyavāg asi satyena samayaṃ kuru me tataḥ |
49 |
samayena pradadyāṃ te kanyām aham imāṃ nṛpa
na hi me tvatsamaḥ kaœ cid varo jātu bhaviṣyati |
50 |
œaṃtanur uvāca |
50 |
œrutvā tava varaṃ dāœa vyavasyeyam ahaṃ na vā
dātavyaṃ cet pradāsyāmi na tv adeyaṃ kathaṃ cana |
51 |
dāœa uvāca |
51 |
asyāṃ jāyeta yaḥ putraḥ sa rājā pṛthivīpatiḥ
tvad ūrdhvam abhiṣektavyo nānyaḥ kaœ cana pārthiva |
52 |
vaiœaṃpāyana uvāca |
52 |
nākāmayata taṃ dātuṃ varaṃ dāœāya œaṃtanuḥ
œarīrajena tīvreṇa dahyamāno 'pi bhārata |
53 |
sa cintayann eva tadā dāœakanyāṃ mahīpatiḥ
pratyayād dhāstinapuraṃ œokopahatacetanaḥ |
54 |
tataḥ kadā cic chocantaṃ œaṃtanuṃ dhyānam āsthitam
putro devavrato 'bhyetya pitaraṃ vākyam abravīt |
55 |
sarvato bhavataḥ kṣemaṃ vidheyāḥ sarvapārthivāḥ
tat kimartham ihābhīkṣṇaṃ pariœocasi duḥkhitaḥ
dhyāyann iva ca kiṃ rājan nābhibhāṣasi kiṃ cana |
56 |
evam uktaḥ sa putreṇa œaṃtanuḥ pratyabhāṣata
asaṃœayaṃ dhyānaparaṃ yathā māttha tathāsmy uta |
57 |
apatyaṃ nas tvam evaikaḥ kule mahati bhārata
anityatā ca martyānām ataḥ œocāmi putraka |
58 |
kathaṃ cit tava gāṅgeya vipattau nāsti naḥ kulam
asaṃœayaṃ tvam evaikaḥ œatād api varaḥ sutaḥ |
59 |
na cāpy ahaṃ vṛthā bhūyo dārān kartum ihotsahe
saṃtānasyāvināœāya kāmaye bhadram astu te
anapatyataikaputratvam ity āhur dharmavādinaḥ |
60 |
agnihotraṃ trayo vedā yajñāœ ca sahadakṣiṇāḥ
sarvāṇy etāny apatyasya kalāṃ nārhanti ṣoḍaœīm |
61 |
evam eva manuṣyeṣu syāc ca sarvaprajāsv api
yad apatyaṃ mahāprājña tatra me nāsti saṃœayaḥ
eṣā trayī purāṇānām uttamānāṃ ca œāœvatī |
62 |
tvaṃ ca œūraḥ sadāmarṣī œastranityaœ ca bhārata
nānyatra œastrāt tasmāt te nidhanaṃ vidyate 'nagha |
63 |
so 'smi saṃœayam āpannas tvayi œānte kathaṃ bhavet
iti te kāraṇaṃ tāta duḥkhasyoktam aœeṣataḥ |
64 |
tatas tat kāraṇaṃ jñātvā kṛtsnaṃ caivam aœeṣataḥ
devavrato mahābuddhiḥ prayayāv anucintayan |
65 |
abhyagacchat tadaivāœu vṛddhāmātyaṃ pitur hitam
tam apṛcchat tadābhyetya pitus tac chokakāraṇam |
66 |
tasmai sa kurumukhyāya yathāvat paripṛcchate
varaṃ œaœaṃsa kanyāṃ tām uddiœya bharatarṣabha |
67 |
tato devavrato vṛddhaiḥ kṣatriyaiḥ sahitas tadā
abhigamya dāœarājānaṃ kanyāṃ vavre pituḥ svayam |
68 |
taṃ dāœaḥ pratijagrāha vidhivat pratipūjya ca
abravīc cainam āsīnaṃ rājasaṃsadi bhārata |
69 |
tvam eva nāthaḥ paryāptaḥ œaṃtanoḥ puruṣarṣabha
putraḥ putravatāṃ œreṣṭhaḥ kiṃ nu vakṣyāmi te vacaḥ |
70 |
ko hi saṃbandhakaṃ œlāghyam īpsitaṃ yaunam īdṛœam
atikrāman na tapyeta sākṣād api œatakratuḥ |
71 |
apatyaṃ caitad āryasya yo yuṣmākaṃ samo guṇaiḥ
yasya œukrāt satyavatī prādurbhūtā yaœasvinī |
72 |
tena me bahuœas tāta pitā te parikīrtitaḥ
arhaḥ satyavatīṃ voḍhuṃ sarvarājasu bhārata |
73 |
asito hy api devarṣiḥ pratyākhyātaḥ purā mayā
satyavatyā bhṛœaṃ hy arthī sa āsīd ṛṣisattamaḥ |
74 |
kanyāpitṛtvāt kiṃ cit tu vakṣyāmi bharatarṣabha
balavat sapatnatām atra doṣaṃ paœyāmi kevalam |
75 |
yasya hi tvaṃ sapatnaḥ syā gandharvasyāsurasya vā
na sa jātu sukhaṃ jīvet tvayi kruddhe paraṃtapa |
76 |
etāvān atra doṣo hi nānyaḥ kaœ cana pārthiva
etaj jānīhi bhadraṃ te dānādāne paraṃtapa |
77 |
evam uktas tu gāṅgeyas tadyuktaṃ pratyabhāṣata
œṛṇvatāṃ bhūmipālānāṃ pitur arthāya bhārata |
78 |
idaṃ me matam ādatsva satyaṃ satyavatāṃ vara
naiva jāto na vājāta īdṛœaṃ vaktum utsahet |
79 |
evam etat kariṣyāmi yathā tvam anubhāṣase
yo 'syāṃ janiṣyate putraḥ sa no rājā bhaviṣyati |
80 |
ity uktaḥ punar evātha taṃ dāœaḥ pratyabhāṣata
cikīrṣur duṣkaraṃ karma rājyārthe bharatarṣabha |
81 |
tvam eva nāthaḥ paryāptaḥ œaṃtanor amitadyuteḥ
kanyāyāœ caiva dharmātman prabhur dānāya ceœvaraḥ |
82 |
idaṃ tu vacanaṃ saumya kāryaṃ caiva nibodha me
kaumārikāṇāṃ œīlena vakṣyāmy aham ariṃdama |
83 |
yat tvayā satyavatyarthe satyadharmaparāyaṇa
rājamadhye pratijñātam anurūpaṃ tavaiva tat |
84 |
nānyathā tan mahābāho saṃœayo 'tra na kaœ cana
tavāpatyaṃ bhaved yat tu tatra naḥ saṃœayo mahān |
85 |
tasya tan matam ājñāya satyadharmaparāyaṇaḥ
pratyajānāt tadā rājan pituḥ priyacikīrṣayā |
86 |
devavrata uvāca |
86 |
dāœarāja nibodhedaṃ vacanaṃ me nṛpottama
œṛṇvatāṃ bhūmipālānāṃ yad bravīmi pituḥ kṛte |
87 |
rājyaṃ tāvat pūrvam eva mayā tyaktaṃ narādhipa
apatyahetor api ca karomy eṣa viniœcayam |
88 |
adya prabhṛti me dāœa brahmacaryaṃ bhaviṣyati
aputrasyāpi me lokā bhaviṣyanty akṣayā divi |
89 |
vaiœaṃpāyana uvāca |
89 |
tasya tad vacanaṃ œrutvā saṃprahṛṣṭatanūruhaḥ
dadānīty eva taṃ dāœo dharmātmā pratyabhāṣata |
90 |
tato 'ntarikṣe 'psaraso devāḥ sarṣigaṇās tathā
abhyavarṣanta kusumair bhīṣmo 'yam iti cābruvan |
91 |
tataḥ sa pitur arthāya tām uvāca yaœasvinīm
adhiroha rathaṃ mātar gacchāvaḥ svagṛhān iti |
92 |
evam uktvā tu bhīṣmas tāṃ ratham āropya bhāminīm
āgamya hāstinapuraṃ œaṃtanoḥ saṃnyavedayat |
93 |
tasya tad duṣkaraṃ karma praœaœaṃsur narādhipāḥ
sametāœ ca pṛthak caiva bhīṣmo 'yam iti cābruvan |
94 |
tad dṛṣṭvā duṣkaraṃ karma kṛtaṃ bhīṣmeṇa œaṃtanuḥ
svacchandamaraṇaṃ tasmai dadau tuṣṭaḥ pitā svayam |